ထိတွေ့ခွင့်မရတဲ့ လက်ကလေးတစုံရယ် ….
မင်းလက်လေးတွေ
အေးနေလား၊ နွေးနေလားဟင် ?
ဖိနမ်းခွင့်မရှိတဲ့ နှူတ်ခမ်းပါးတစုံရယ် …..
မင်းနှူတ်ခမ်းလေးတွေ
ချိုနေလား၊ မွှေးနေလားဟင် ?
တန်ပြန်စိုက်မကြည့်ရဲတဲ့ မျက်ဝန်းညိုရယ် ….
မင်းမျက်ဝန်းလေးက
ကြင်နာနေတာလား၊ နာကျင်နေတာလားဟင် ?
ပိုင်ဆိုင်ခွင့်မရှိတဲ့ နှလုံးသားတခုရယ် …
ဝေးသွားမှာလား ?
နီးလာမှာလား ?
မသေချာတဲ့ နေ့ရက်တွေထဲမှာ
မင်းကို ငါ
မြင်နေရက်နဲ့
လွမ်းနေရတယ် ..ကောင်လေးရယ် ။ ။ ။
Subscribe to:
Post Comments (Atom)
No comments:
Post a Comment